تصريحات رياض الخولي
وقال رياض الخولي في تصريحات تلفزيونية: والدي كان بيديني 5 صاغ، هو ده كان المصروف، وكان ليا خال بيقولي اللي عاوزه هدهولك، وأي حاجة عاوزها كنت باخدها منه، وصرف عليا 4 سنين المعهد.
وتابع: كنا بناخد 50 قرش في البروفة وجنيه في العرض، وأنا في سنة تالتة معهد طلبت من والدي ييجي يتفرج عليا في المسرح، وطول العرض كان مش بيضحك، وبعد ما العرض خلص وفضل ماشي في صمت، ولما سألته عن رأيه قالي: كويس، والمجال بقى أمر واقع عليّ.
رياض الخولي عن زواجه
وعن زواجه، قال رياض الخولي: لما اتجوزت زوجتي، كان زواج عقلاني مش حب، وكنا متفاهمين، وده اللي خد صفة الاستمرارية بينا.
وأشار إلى أن نجله بدأ دخول المجال الفني، موضحًا: رامي ابني بدأ يدخل المجال ويبقى مدير تصوير.
آخر أعمال رياض الخولي
ويعد مسلسل «درش» آخر أعمال الفنان رياض الخولي الدرامية في الموسم الرمضاني 2026، وشارك في بطولته إلى جانب مصطفى شعبان، سهر الصايغ، طارق النهري،سلوى خطاب، محمد على رزق، غادة طلعت، هاجر الشرنوبي، أحمد فؤاد سليم، إسماعيل فرغلي، وعدد من نجوم الدراما، والعمل من تأليف وإخراج هاني سرحان.
