أثارت المخرجة روجينا جدلاً واسعًا بعد انتقادها لبعض نجوم موسم دراما رمضان 2026، الذين يلجأون إلى اتهام “اللجان الإلكترونية” بمسؤولية فشل أعمالهم أو تعرضها لانتقادات الجمهور.

وقالت روجينا عبر حسابها الرسمي على فيسبوك: “فيه صناع مسلسل بيكتبوا بوست مكرر كل سنة: “يا جمهور، أنقذونا من اللجان!” علشان مقتنعين إن أي حد ما عجبوش العمل مأجور، لدرجة إن فيهم اللي بيشتبك مع الجمهور في التعليقات، هو وأصحابه وعيلته”.

اتهام الجمهور بالمال يعكس إنكار الواقع

وأضافت روجينا: “مش فاهمة الجمهور يبقى في خصومة معاك ليه؟ لو في ناس شايفة إن الأداء ضعيف، أو إن القصة بتتكرر كل سنة، ده حقهم الطبيعي كمشاهدين إنك تتجاهل رأي الجمهور الحقيقي وتفرح بالجمهور الافتراضي الوهمي اللي خلقته لنفسك، ده مش نجاح، ده إنكار”.

وأكدت المخرجة أن المشكلة ليست في النقد بحد ذاته، بل في الاعتماد على “شماعة اللجان” لتبرير الفشل، موضحة: “الناس ملت وزهقت من التكرار، والأداء الباهت المزيف، والتلقيح وقعدات المصاطب”.

تحذير من التهويل والتعامل مع الجمهور

واختتمت روجينا تصريحاتها: “أنا شفت مشهد من المسلسل افتكرته AI لأنه مافيش حد ممكن يكتب حوار زي ده، ولا فيه ممثلين ممكن تمثل كده.. احترموا دماغ الجمهور شوية من فضلكم، وكفاية شماعة اللجان، لأن الحقيقة إن أكتر ناس بتتكلم عن اللجان، هي أول ناس بتستخدمها”.