كتبت: سلوى أبو زيد
رد مؤدي المهرجانات حمو بيكا على قرار إيقافه من نقابة المهن الموسيقية برئاسة الفنان مصطفي كامل، بعد ان قدم أغنية يرى البعض انها تسئ للقوات المسلحة.
تصريح حمو بيكا عبر فيسبوك
وقال حمو بيكا عبر حسابه الشخصي بموقع التواصل الإجتماعي فيسبوك: ” صدر قرار وقف ليا من نقابة المهن الموسيقية وتحويلي للتحقيق.. طبعاً اي قرار يصدر عن نقابة المهن الموسيقية بخصوصي انا محترم القرار جداً وملتزم بيه”.
وأضاف: ” بس انا بطلب من سيادة النقيب المحترم استاذي النجم الكبير ” مصطفي كامل “، زي ما النقابة قامت باصدار قرار بوقفي والتحقيق معايا .. تصدر نفس القرار علي كل مغني بيغني نفس الاغنيه دي ويتم التحقيق معهم كلهم زي بالظبط”.
وتابع حمو بيكا: ” الاغنية انا بغنيها عادي ومش قاصد بيها اللي وصل للناس وان اي حد بيدخل الجيش بيدخل بواسطة والكلام الفارغ الي روجه بعض الناس علي مواقع السوشيال ميديا.. المقصود بكلام الاغنيه ان الام بتخاف علي ابنها وهي وسطته وهي الي مدلعة ابنها زي ام في الدنيا.. وده موال قديم جداً ومش مقصود منه الاستهانه بجيشنا ولا حد يجرئ انه يستهين بجيش بلدنا العظيم.. وانا ابن بلد وكنت واحد من جيش البلد وخدمت في جيش بلدي.. وزي ما اخواتي الصحافين شيرو البوستات.. يشيرو البوست ده وانا رافعلهم مطربين تانين وهما بيغنوها برضه “.
أختتم كلامه قائلاً: ” وفي اخر كلامي.. انا بحترم نقابه المهن الموسيقية وبحترم كل قرارتها وبحترم كل مؤسسات الدولة، وكل عام وقائدنا الرئيس عبد الفتاح السيسي وجيشنا العظيم بخير بمناسبة عيد تحرير سيناء”.
